يعنى ايه نتعاطف مع نفسنا ؟! 

كام مره قدرنا فيها نلتمس العذر لنا اد ما بنلتمسه لغيرنا وقت مشاركتنا اللى بيدايقهم ؟! 

بالنسبالى ولا مره!!

بقالى شوية شغالة على محبة نفسي وتجربة التعاطف معاها..

وتوصلت للى هكتبه ده لعله يفيد حد 

احنا نقدر نتعاطف مع نفسنا بمجرد فهمنا ان(الفشل ،التحديات،والاخطاء)جزء طبيعى غير منفصل عن بشريتنا.كلنا عندنا افكار واحكام مدمرة تجاه نفسنا واختبرناها فى مراحل مختلفة بحياتنا ..

اوقات بنحس بالاحباط وان كل حاجه بتمشي بطريقة غلط ..

اوقات تانية بنحس بالعار بسبب اخطاء ارتكبناها او احكام بسبب تصورنا عن عيوبنا..

وبدل ما نتعاطف مع نفسنا بنكون احنا الجلادين .

هنتخيل سوا كده ان صديق بيحكى لنا عن مشكلة بتواجهه..ازاى هتكون ردة فعلنا تجاهه؟! 

معظمنا هيواسيه ويريحه مش كده !!

وهو ده النهج اللى لازم نتبعه مع نفسنا لاننا اولى بالرعاية والتعاطف ..

احنا مديونين لنفسنا بده ،خلونا ناخد بالنا ونتعاطف مع نفسنا قبل غيرنا