الكلمة الحلوة و الكلمة اللي بتجرَح
الكلمة اللي بتجري عليك لمّا بتفرَح
الكلمة العهد ، الوعد .. الفَيصَل ..
والكلمة اللي تقول للوَصل ( أنا أوصَل )
الكلمة اللي تساوي .. و الكلمة اللي تواسي
والكلمة اللي مهما حاوِلْت
عمرها
ماهاتيجي على مقاسي
الكلمة الإمتَى والفين و ازاي
الكلمة بتتصدَّق .. وتصالح وتمام
والكلمة اللي كلام والكلمة اللي سلام
الكلمة الحيرانة .. والكلمة الغيرانة
والكلمة اللي (حبيبتي)
دي قوالب سكرها تحلّيلنا الشاي
والكلمة اللي أمانَك
بتقولك يا (حبيبي)
أنا عمري ف يوم ما هاكون نَسّاي
الكلمة اللي تبِلّ الريق و تصبَّر
الكلمة اللي تصغَّر
والكلمة اللي تكبَّر
والنظرة اللي بتحضن
في كلامنا ده كلّه
في عيونَك و عيوني
هاتعيده و هاتكرر
كلمتنا حكايتنا
ودموعنا ف نظرتنا
هنصدّق و نطيّب
ونعاتب ونطبطب
وهتسمح و تسامح
لو كان قلبَك طيّب
بقلمي
Hebba El Mofty
2
-2
