عمرك ماهاترسم دايرة غير بإيديك الاتنين ، و انت محاوط بيهم وِش حبايبك ..
احضُنهم بإيديك الاتنين ، احضُنهم بعنيك الاتنين ..
قرّبهم وماتستخسرش ، ماتستهترش ..
الإيد الواحدة بتاخد بس ،  مهمومة وحيدة ..
الإيد الواحدة مابتسقفش ولا تحضن غير ببرود ..
و تشاور بغرورها المعهود ..
الدايرة بتجمعنا احنا الكل ، عمرك فيها ماهاتاخد جنب ..
ولا ممكن حد يبات زعلان ..
أو قافل بابُه عشان مايبان ..
كلنا فيها شايفين بعض ، بالطول و العرض ..
بالميل و الورب ..
يا حبايبي الدايرة هي القلب ،
و ف قلب الدايرة ، تلاقوا  الحب ..
مالكورة الأرضية ، الدايرة حوالين الشمس ، واحنا عليها ..
و البدر كمان ، بيلف ف دايرته حواليها ..
الدايرة الحضن المقفول بينا ..
ضُمّوا عليها ......