غمزة من هبة 😉

أنا بحب الكيك أوي بكل أنواعه 

من إيدي ومن إيد ماما الله يرحمها ومن إيد أختي هالة ، ورانيا مراة أخويا ومن إيد خالتي ربنا يديها الصحة ، ومن إيد حبيبتي منى ( هي هاتقرا وهتعرف نفسها ) . 

قالب الكيك دة قد إيه بيتعمل بمزاج وحب وروقان ، متعة ف تحضيره والتسوية وريحته الجميلة . 

ولو حاجة من مقادير الكيكة دي مش موجودة ، أو خطأ في الطريقة ، مستحيل تتعمل وتنجح ، مستحيل ...

ومع المقادير وعلشان الكيكة تطلع حلوة ، لازم نضيفلها لمسات من الشغف لكل حاجة حلوة . 

والجميل لما بنتخيل طعمها هايبقى قد إيه لذيذ ، وفرحة اللي هاياكلوا منها . 

حاجة كدة تتحس بالقلب . والروح ..

أيوة الكيكة إحساس وشغف ..

الكيكة حالة بتتخلق .. 

الكيكة فرحة اللي عملها أكبر بكتير من فرحة اللي بياكل منها ..  

بالمناسبة ؛ اليومين دول فات أكتر من عشر سنين من آخر مرة عملت فيها { كيكة تتاكل } . لكن ..........

الغمزة هنا 😉

الحياة كيكة .........