مين اللي قال لما سنين العمر تمر ...
والقلب تزيد عليه الضغوطات والوجع والمر ....
إن الروح ممكن تكبر أو تشيخ؟؟
أبدا ... عمر ما روح انسان كبرت غير لما داقت كتير من ألم ويأس وعجز ...
كلنا روحنا من جوة روح طفل ما بيكبرش ... روح طفل لما بيفرح بيجري فرحان ويملأ الدنيا من حواليه بصوته الحلو وبضحكاته ... روح بريئة صافية كفيلة بجمالها تجدد قلبه يوم ورا يوم ...
نفس روح الطفل اللي لما بيحزن أو بيتوجع أو بيخاف أو بيواجه أي أزمة من أزمات الحياة بيجري على أقرب حد ليه ويترمي ف حضنه قوام ويغمض عنيه قوي عشان الحاجة الوحشة تروح وتمشي ... لكن بطبطبة حنينة وابتسامة صادقة وتطييبة خاطر وبلمسة خفيفة من الشفايف عالجبين بيكون لقى أكبر تطييب للخاطر ... وبيهم يزول أي سوء أوام كأنه مكانش ...
بالظبط دي علاقتنا مع ربنا ... علاقة الطفل مع أقرب حضن ليه ... عارفين من جوانا إننا مهما بعدنا أو خدتنا الأيام عن طريقه مالناش غيره ... ولو اتوجعنا أو خوفنا أو قابلتنا أي صعاب هنجري عليه أوام ... ونرجع له ونسجد له ونبكي بصدق على بابه ... ونطلب منه رحمته الواسعة تغمرنا وتشملنا وتحفظنا ...
يااارب وإن ضاقت بعبدك السبل ... واختلطت به الطرقات ... وتغلقت أمامه الأبواب ... فبابك يا كريم يا رحيم يا عظيم أبدا أبدا لا يوصد ... ❤❤
اللهم يوما عامرًا بالخير كما نرجو منك يا رحمن 🤲🤲
2
-2
