عمر الحب ما شفته مشين

عمر الضعف ف حضن حبيبك 

ما يبقى مهين

عمر الأزمة اللي بتتجاوزوها

محنة بمنحة وبتعدوها 

بتكون نقص بيكسر عين

ذيع واتفاخر باللي يحبك

اللي بيصدق ويكون جنبك 

فيها كام يوم الدنيا عشان

تدي الخوف منابات من قلبك

وزي ما تنشر ضيق أيامك

انشر فضله ف حب حبايبك

اغفر واصفح 

عن ذلات الكل وعدي

وقف فرمل

بص شمال ويمين هتعدي

وإن أوقات م السرعة جريت

فرمل تاني هتقدر هدِّي

شوف القوة بتكمن فين

وازن بين عقلك والقلب

اشري الدنيا بيوم الدين

وجنة جميلة ف حضن الرب

انزع كل نواقص قلبك

واملاه نور وبراءة وحب

خبط أي بيبان قدامك

افتح خلي الضلمة تروح

قول للنور انشر أقدامك

والألوان هتدوم بالبوح

وافرح حقق حلم سلامك

وارضَ بقلبك ترضى الروح