ما تحسسوني إني غالي

وإني ليكو في الضلام نجم نوره في العلالي

حسسوني إني نور ... بسمة على وش الحضور

ضحكة عالية هدية غالية ... من نصيبي ومكتوبالي

.......

حسسوني بالدفا ... اللي عمري محسيتوش

واغمسوا طعم الوفا ... مع الحنان متكسلوش

ولما غيم الحزن يحضر ... نغمي عيننا ولا نشوفوش

ونمشي رغم جراحنا دايما ... بالحنان وما نجرحوش

........

انتي زيي يا شجرة خضراء ... جدورها بالخير عمرانين 

والورق اخضر لونه ... زي قلب الطيبين

خضاره زي عيون صبية ... جمالها ما شافت زيه عين

وبرموشها السود بتسحر ... قلوب سهارى وسكرانين

.......

وعد مني أصون عهودكم ... وأحرس النبض في قلوبكم

وأما تيجوا تدقوا بابي ... راح أفتحه وأقول آمين

وعدي ليكو ده دين عليا ... وكلمتي بدم الوتين