لو موجود .. حافظوا عليه

من نعم ربنا في الحياة الشخص الهين اللين البسيط السهل.. 

رقيق القلب ولطيف المعشر..

شخص ودود متتعبش معاه ولا يرهقك بتسلط أو بقدرة له عليك..

شخص يفهمك ويفهم طباعك دون كلمات.. ويسعى لأنه يدخل السرور على قلبك وقلوب من حوله..

ويرحمك من ذل الحاجة في كل وقت..

وياخد بإيديك دايما من غير ما تطلب منه دا..

شخص يرفق بيك وقت الخلاف.. ويمحي بينكم أي أنفة أو كبرياء..

ميعقدش الأمور بل بالعكس دايما بيحاول يساعدك لحلها.. ويشوف السبيل والأفكار لتيسيرها..

شخص بيتجاوز من أجل بقاء الود واستمرار الحياة.. مش يستنى انك انت اللي لازم تيجي على نفسك وتتصرف وتحافظ ع اللي بينكم..

‏‎‎شخص يساعدك تحب نفسك وتحقق الحاجة اللي بتحبها وتسعدك.. مش يحرمك منها بتجبره وسلطته عليك.. ويسيبك عايش مقهور ويعمل نفسه مش شايف..

الشخص دا وجوده نعمة.. وقوته نابعة من ذكاؤه ولطفه ورحمته ونضجه وثقته بنفسه..

الشخص دا لو موجود حافظوا عليه لأنه حقيقي نادر..