أوجع من الوجع

واللي أوجع م الوجع كتمة صرخته ف 

جوفك..

عزيز النفس وتداري من الوشوش

خوفك..

مجروحة روحي وتايه م الألم عقلي..

عمالة ألملم في اللي باقي من نفسي..

والناس حروفها شوك ناره بتكوي ف

حروووووفك..

....................

اوعاك تفكر نفسك عند الخلايق 

غالي..

وحده اللي خلقك فوق عنده انت عالي

وغالي..

ارضي ضميرك ووزع عالحبايب خيرك..

وعيش عمرك كبير وعزيز وكفي نفسك الحوجة..

تفضل طول العمر بين البشر

غالي..

....................

متعلقش قلبك بقلب تاني يهلكه 

ويفنيه..

ولا تشبك عقلك بظالم يستقصده

ويؤذيه..

دوس ع الصعاب مهما الصعاب صعبت..

وإن جه عليك الدور في الأذى

اضحك في وشه وقوام اديله ضهرك

وعديه..

...................

طبع البشر قلاب ودي فطرة مش

طفرة..

اليوم معاك أحباب ويكونوا ليك

بكرة..

طعنة خناجر نار في الضهر وفي قلبك..

أصل الغريب وجعه بارد..

لكن غدر الحبيب ناره جمرها حامي وعا الحشا

قادرة..

وعجبي