"النصيب"

تعرفوا معناه..

طيب تعرفوا من أبد الدهر أصله ومغزاه..

"النصيب"

ضربة حظ ورماها القدر..

سهم ف إيد كيوبيد نسيجه من القمر..

نبضة تصيب الروح وهي حظها..

لا درع يوقف طريقه..

ولا كون بيحجمه..

زيك كدا..

ما انت النصيب..

مريت في ليلة وجيت.. على بابي أنا دقيت

وغمزت قومي قوام.. يا جميلة حينا..

نظرة سلام وكلام.. وملكت قلبي تمام..

في النوم وفي الأحلام.. حليت ضيف عندنا..

تبعت لي قبل ما أنام.. وأصحى على سلامك

أول نهاري رسالة.. تحييني بكلامك..

توحشني وانت معايا.. ومنايا أكون وياك

لو ألف حاجة ورايا.. أنساها وأبقى معاك..

في الجد جد الجد.. وحبيب وأب يشد

وفي وقت حاجتي إليك.. حضن وجناين ورد..

في عينيك طريق بكرة.. والخطة والفكرة

وإن كنت مش قادرة.. بتكون لي إيد بتسد..

لو غبت عني بضيع.. وبتوه في ليل حالك

وأبات هنا ع الباب.. أستنى مرسالك..

علمتني أهواك.. وعن نفسي معترفة

لو طلبوا عمري فداك.. ياخدوه وأبقالك..