بيدعيلي 

يقرب ود كان بينا 

ويبعد عنا غربتنا 

ويجمع قلب كان عايش

 في قربه وبس متهني

   كلامهم عنا ليه هَني

وليه ساكت ومستني 

خوف قلبك مضيعني

  وضيع عمرنا منا

بحبك / قولتها بقوه 

  وبالعنوه ماخبتشي 

        ماتزعلشي

 ولا ف ليلك تبات مهموم

  بُعدنا ياروحي مش هايدوم

    ولو طالت مابينا شهور

    أنا راجعه لحضنك يوم

          ورجعالك

    ومين ع البعد مين قادر

دا يوم بـُعدك يساوي دهور

   وحق عيونك الحلوين

وحضن حنانه كان فدادين

 مافيش ولا شئ هايبعدني

مافيش حاجه بتفرحني مادمت بعيد

 غير إني أشوف نفسي ف نن عنيك

يامين تاني يقربني حبيبي إليك

   وتحضن عيني وتبوسها

دموع عيني بتترجاك تونسها

       وترجع تاني تلمسها

   دا وسع الكون مابيسعنيش

    أنا راحتي مابين كفيك

   فترجع روحي واعيشها 

  وانا سانده مشاعري عليك