الشعر رزق 

ورزقك لسه عندي مجاش

حروفي مابتكتبش غير اللي حستها

ياخوفي لو تتحرم إنك تكون فيها

        الشعر ده إحساس

      أنا يعني قصدي أقول 

مشاعري أنت محستهاش

لو كنت حسيتها كانت هتوصلي

وحروفي اتكلمت وعبرت عنك

إدعي لرب الكون إللي خلق قلبك 

         يقرب الإحساس

إدعيلوا من قلبك بالصدق والنيه

         إياك تكون كداب 

الشعر مابيعرف غير يوصف الإحساس 

وإن كنت حسيتك 

هتلاقي في حروفي باب بيفتح لك

       مش بس باب واحد 

       الشعر مش جاحد 

        الشعر من دمي

       يعني روح وحياه

فلو لقيت إسمك مابين حروف شعري

يبقى انكتب لك عندي عمر جديد

         وسنين من الأفراح

        خاليه من الأوجاع

         والحزن والتنهيد 

... نور حجازي...