في كتير أشياء فهمانينها غلط لما كنا صغار، مثلًا كنا نفكر الاختيار بين الصح والخطأ شي كتير سهل،
وأنه رح يكون مبين طريق الخير سهل ومنور والناس بتدلك عليه أما طريق الشر معتم وفيه شوك.
بس للأسف إنه طلع العكس 💔
كنا مفكرين أنه الناس اللي بتحبنا رح تضل بتحبنا ومعنا وبتسندنا، بس الحقيقة أنه في ناس حتكون بقلبنا بس مستحيل تكون بحياتنا💔
وكنا مفكرين إنه الحياة بسيطة وفينا نقرر ونقول قراراتنا اللي منختارها بسهولة بين الحلو والمر ، بس لما كبرنا عرفنا أنه لازم نختار بين أحلى الأمرِّين!!
لما كنا صغار كنا نفكر الصمت والعزلة عقاب والخروج للعالم هو المتعة، لحد ما كبرنا وصرنا نفضل العزلة ونشوفها مكافئة..
صرنا نختار خطواتنا بعناية وتركيز، ونحسب ألف حساب لأي كلمة بدنا نحكيها حتى لو كانت- اشتقتلك لإنسان منحبه.
لما كنا صغار كنا نفكر أنه حياة الكبار سهلة ومريحة، وهلأ متمنين نرجع أطفال صغار.
2
-2
