ولسه بخاف

على القلب اللي شافك دق 

وحس بنبضه بيخبط 

على ضلوعي ففرحت بيه

ولسه بخاف

على عيني وصورتك ساكنة جواها

على إيدي وإيدك لسه حضناها

على صوتي اللي قال إسمك

على حلمي ومعاه حلمك

على جسمي اللي ريحتك فيه

بخاف الدنيا تغدر بي 

وعن دربك يتوه دربي

ويمْزعنا القدر بإديه

ويبقى نصيب ونخضع ليه

أنا خايفة

ومش عارفة جراب بكرا مخبي لي إيه

وبرقي القلب وبضمه 

ومن خوفي بسمي عليه

ومش عارفة أقول تاني بخاف من إيه.