جوايا طفلة بتعافر ..

تفضل بريئة

رغم ان وجع الحياة ..

هزها بمليون طريقة

جوايا خير بَنْصُره ع الشر

برَّايا شكل ..

يكوِّنه الزمن لو مَر

رغم الصراع ما بين جوايا أو برا

راضية بحقيقة ان الحياة .. رحلة

رحلة وفيها كتير حاجات

م اللي بتزعل ..

أو حتى م اللي تسُر

بنشتهي حلوها وبنستعيذ م المُر

إن طالنا يوم مرها .. 

نقدر عليه بالصبر

والحلو من رزقها .. 

بتصونه كلمة شكر

طال عمرنا أو قصر .. 

هيَّا سنين بتمر

واهي في النهاية حياة ..

في شكل رحلة عُمر