كتير الهم يملكني .. 

ويوجعني فيهلكني

وتيجي الضحكة وتواسي ..

تبدِّل كُل إحساسي

في عِز ألامي تسعدني

فبتحمل .. 

وامد ف خَطوة أقدامي

واقوم واقوىٰ .. 

واشد ف حَبل أيامي

واكون قادرة بإني احلم

م قالوا الحلم بيهَون

معاه دنيتنا تتلون

وبيه نقوىٰ علىٰ الأوجاع

ويهدينا الطريق لو ضاع

دا مهما الليل سواده يطول

بيِّجي الفجر ويشقشق

بضيّه الحلم يتحقق

وبيطل الصباح .. بالنور

فيجبر قلب متشقق

ومن جواه يزيح الخوف

ويفتح لي بيبان الشوف

أشوف الدنيا بالألوان

وأحلم باللي جاي أجمل