مش شبههم

الحقيقة الواضحة جدا

إن قلبي مش شبههم

وان روحي رافضة تبقى

عايشة مرهونة انتظارهم

كنت هبلة آه وطايشة

ماسكة في الدايبين حبالهم

واما فوقت لقيتني وحدي

وعمري للأوجاع مسلم

ليه ياقلبي منتبهتش

إن هُمَّا لصوص بتنتش

ترمي وهم في الطريق

يشبك القلب البرئ

يسرقوا النوم من عيونا

ويشعلوا فينا الحريق

نقضي ليلنا في العذاب

اللي هما فيه غياب

واما بيطل الصباح

نلقى كل الوهم راح

ننتبه ونفوق لروحنا

بعد ما نكون اندبحنا

والحقيقة تبان جلية

إننا مكناش شبههم