قلبي اللي حبك يوم ..

من جرحك اتألم

الغدر قاسي صحيح ..

لكن والله بيعلم

وانا مش ناكرة هوا

ولا جاحدة لوصالك

لكن خلاص قلبي .. 

ما بقاش بيصفالك

لملمت وجعي وكسرتي ..

ومشيت بعيد ..

حسيت ف رجفة خطوتي ..

.. كل الوجع

لكن قاومت وما انحنيت

آه اتوجعت .. وآه بكيت

لكني أبدا ما اشتكيت

وحضنت قلبي أرمِّمُه .. وأعلمه

مش كل قلب شاور لنا ..

نجري عليه ..

دا اللي جرحنا ودمنا مغرق إيديه

.. كنا بنهرب م الوجع

.. نتحامىٰ فيه

قلبي اللي داق غدرك

وجداره متعلم

مبقاش يصدق يوم

للحب ويسلم

مبقاش يصدق يوم

للحب ويسلم