خليك واعي، ما تسيبش المواقف تعدي كده من غير ما تتعلم منها، خلي عينيك على الناس اللي حواليك، شوفهم بيتصرفوا إزاي معاك ومع غيرك، وركز كويس في كل حاجة بتشوفها، شوف مواقفهم معاك، شوف ردود أفعالهم، شوف اللي بيعملوه وانت بتتعامل معاهم .. 

الفعل ورد الفعل بيعلّمونا كتير لو ركزنا، ومفيش حاجة بتحصل من غير سبب،

والحياة مش بس كلام، الحياة أفعال، ومش كل الناس بتظهر لك على حقيقتها من أول لحظة، كل موقف فيه درس، حتى لو مش واضح في الأول.. 

خلي بالك من كل حركة، من كل كلمة، من كل تصرف، مهما كانت الظروف، خليك دايمًا فطِن وواسع الأفق، علشان الحياة مليانة إشارات لازم نفهمها.. 

اتعلم من كل حاجة حواليك، سواء كانت حاجة كويسة أو مش كويسة، مش مهم إنت بتعمل إيه، المهم إنك تعرف تتصرف صح لما تيجي المواقف .. 

الفعل دايماً بيكشف الحقيقة، ورد الفعل هو اللي بيبين النوايا.