#يوميات_بالمكسرات

طبعا سوابق الدكتور أمجد في الرومانسية

أبهرت العالم

وذكرياتي مع أسراب القريدس التي تهاجم السلطعون - مش في "رواية مكي في طير أنت"- لأ ده في الواقع، لا تنسى. دكتور أمجد هو صاحب براءة اختراع بيت الشعر ده وحكيت لكم قبل كده الحكاية.

المهم

مطولش عليكم قولوا طولي ????

تفتق ذهن الدكتور المبدع والمتجدد في رومانسيته بعد كده إنه يتحفني بجملة غزلية لو سمعها قيس لأنتحر بعد وفاته

تخيل يا مؤمن وانتي كمان يا مؤمنة تخيلي معانا

في خروجة من ال٣ اللي خرجناهم بعد "الهني مون" بتاعنا الله يبشبش الطوبة اللي تحت راسه

آه ..ثواني كده..جدير بالذكر هنا إن خروجة منهم كانت للتبرع بالدم وجاب لي سندوتشات كبدة وسڤن ????

الدكتور أمجد عمل إيه المرة دي ????

الصراحة تفوق على نفسه وأبهرني 

 في هذه اللحظة الرومانسية التي لا تتكرر إلا كل حقبة زمنية أطول من السنة الزرقا

واحنا خارجين نتفسح دعاني للرقص الهادي"Slow" يعني

 وكانت دعوة شبه رسوماتي كده ????

مطولش عليكم قولوا طولي

الشاعر العظيم أثناء الرقص والست "ويتني هيوستن' نابحه صوتها وبتقول 

I will always love you

سكت خالص أثناء الرقص

فبقول له أنت نمت ولا إيه؟

قال لي بكل ثقة :لا أنا تفاعلت بس مع الأغنية ????

قلت له:تفاعلت؟!!!!

وياريتني ما اندهشت ولا نطقت

البرنس رد عليا قال لي إيه بقى؟..وركزوا كده عشان أقسم بالله ما هتسمعوا جملة الغزل دي إلا حصريا هنا

قال لي بكل ثقة:أصل انتي حبيبتي" ثاني أكسيد منجنيز حياتي" ????????????????????

شكيت إني سمعت غلط ومع الأسف أكد لي اللي سمعته

وبدأ يشرح لي أهمية ثاني أكسيد المنجنيز في إتمام المعادلات الكيميائية، والمكانة العظيمة التي يحتلها هذا العنصر في التفاعلات الكيميائية

وهنا شهد التاريخ والچيولوچيا

والبابا في روما والحطابين في اعالي الجبال وعمال مصانع الغزل بالمحلة والفلاحين في مزارعهم والدلافين في أعماق البحار والعجائز حول نار المدفآة في ليالي الشتا الباردة واهالي العصافرة ولوران جميعهم

أن الرومانسية تنيحت في هذا اليوم على يد الدكتور أمجد

واللي منعني إني أرقع بالصوت

أمر واحد بس ???? إني خفت يقولوا الدكتورة اتهبلت. ????????

يا ست ماجدة يا رومي

الكلمات التي ليست كالكلمات مش إنتي اللي سمعتيها يا حبيبة قلبي ???? لا والنيعمة

الكلمات دي كانت من نصيب العبدة الفقيرة إلى الله يا أوسازة ماجدة