نفسيا

كلنا عندنا قدرة على التحمل

القدرة دي لها خط نهاية، من لطف ربنا إن الخط ده مرن 

لكن من الأسلم إنك تراقب نفاذ طاقتك

زي ما بتراقب نفاذ بطارية محمولك كدا

وتعرف التوقيت اللي لازم تعيد فيه شحن طاقتك 

أو اللي قربت تفصل فيه يعني تقع

اللي هو 

قبل أخر ١٥٪ 

خد بالك

مش ٥٪

خد بريك break

خده بأي شكل

كل واحد فينا عارف الكيفية اللي بيشحن بيها طاقته النفسية من تاني.

طبعا وقت إعادة الشحن ده هيجي على حساب حاجات تانيه

خصم مثلا من المرتب، بعد عن أشخاص معينين هيتسبب في زعلهم منك، تقصير في واجب اجتماعي، الاخلال بمهام اعتدت القيام بيها.

مش مشكلة...اه زي ما بقولك...مش مهم كل ده

ليه بقى بقول مش مهم

لإنك لو فصلت خالص

الوقت بقى اللي الشاشة بتضلم فيه ده لحد ما تنور تاني

هيكلفك فوق ما تتصور

متأجلوش شحن طاقتكم