قصة قرارتي (المش غلط )

كتاب: يوميات بالمكسرات 

كنت بعمل دبلومة في مركز الارشاد النفسي جامعة عين شمس في القاهرة الهادية الفاضيه الوديعة????

وقتها كنت بوصل من روكسي لمحطة القطار بالمواصلات في ساعة ومشي باخد ٥ دقايق. ????معروفه دي

وبعدين ميعاد القطر قرب وكان الدكتور م.ع ...(ربنا يصبحك بالخير يا كبيررر) ????هو اللي لسه مفكرني بالموقف أصلا

كان طالب مني أخلص بحث معين عشان كنت متميزة في الترجمة وبيعتمد عليا في الأمور دي، وطبعا ده حصل ليكتمل حظي البلو بلاك????????

المهم .أرن ميرودش.أرن ميرودش بردو

قمت اتخذت ????‍♀️قرارا أرجو منكم أن تساعدونني وتتحملوا معايا عواقبه وأنا بحكي????????

وقمت منفذه قراري فورا.. ركبت ورحت عند محطة القطار،اتصل عليا هو، فضلت أفكر قبل ما أتصرف ...

أرد ولا مردش؟ أرد ولا مردش؟خصوصا اني كنت موفقة جدا في قراراتي في هذه الآونة تحديدا...ومبعملش أي حاجة مظبوط والنيعمة زمبؤلكم لدرجة أن حتى الأخطاء اللي بعملها كنت برتكبها غلط????????

موهبتي كانت خارقة للعادة في الخطوات غير المحسوبة من كتر الضغط مابين الأولاد وأبوهم ورسالتي اللي شافطه صحتي وفلوسي وشغلي في مركزي اللي كنت مسؤولة فيه عن بشر كتير أخصائيين وأطفال

دماغي كانت عبارة عن عداد تاكسي من بتاع العاصمة الأبيض اللي مبتركبهوش ده،وكله كوم والحر ابن الملزقة كوم

قريت على نفسي الفاتحة 

????‍♀️????‍♀️وفاجئت نفسي وخدت القرار التاني ورديت عليه

قلت له بكل ثقة واستبياع في الحقيقة يعني 

بص يا دكتور انا رنيت عليك كام مرة قبل ما اقرر قال لي بكل استغراب

 تقرري ايه؟انتي دماغك لسعت يا بنتي؟

قلت له وانا ببلع ريقي اللي كان محتاج كساحات من بتاعت المطر دي عشان يتبلع وقتها 

-شوف حضرتك أنا رحت محطة مصر واللي عاوز الكحل يتكحل أه...

قال لي: بقى كده يا منى يعني مش هامك

قلت له وانا كلي انبعاج في النفسية 

انا فكرت مليا مش مليا أوي يعني وقلت أطلق ولا أسقط في الدبلومة؟الصراحة لقيت ان الاتنين هتكون نهايتهم الرجوع لبيت أبويا 

فقلت يبقى أسقط أكرم لي

طبعا هو الحق يتقال دكتور محترم جدا وشاطر وكفاءة

وكان بيعزني لإني فعلا أيامها كنت متميزة، أيام ما كان عندي نظر،

ومنكرش إنه رغم طلباته اللي مبتخلصش إلا إني اتعلمت منه في علاج الPronounciation disorders كتير جدا وكان بيساعدني ومتوسم فيا خير.

مطولش عليكم قولوا طولي

قال لي: طيب حظك حلو اني عندي مشوار في رمسيس

المهم بعد ما اتنفست الصعداء نفس طويل شويه 

طلعت بره من الناحية المواجهة للجامع كده

ووقفت استناه

كان فيه هناك شحات صديقي ،دايما يشوفني يجي علطول جري

انا لمحت الشحات من بعيد

طلعت فلوس فضة وحطتهم في ايدي

وفي الايد التانية مكلفته البحث اللي طلعت فيه عيني

والشمس خلاص حمصتني وبقيت يدوب كده داخله في السوا وهبقى ويل دن 

واذ فجأة هبط عليا الوحي بخاطرة وعاوزه اكتبها.انا حفظاها لانها من يومها

بقت تقريبا أسلوب حياة كل ما نفسيتي تنبعج????

????‍♀️????‍♀️????‍♀️فكرت وخدت القرار التالت وسندت كده على عمود وشلت لبيسة القلم اللي كان في ودني اه والله ورا الحجاب...

قلم رصاص صغير كده بس ملبساه غطاء عشان ميضايقش شعري ولا يشخبط على الطرحة وهو قاعد زهقان من الوحدة مكنش فيه ميموري على الموبايل وقتها وكتبت على اول ورقة في البحث تلبية للوحي

لم يعد هناك ما يعجبني

خاصة ما أقوم به من أجلي"

وتشاء الإرادة السماوية ان الدكتور م.ع يوصل وانا في حالة التجلي بس مركزه عيني على الشحات وفي ذات نفس الوقت مركزه اني موقعش الفلوس على الأرض

نده عليا ادورت كده وبصيت له بذهول نص دقيقة عشان افتكر مين ده????????ويعرفني منين

فتح ايده عشان يسلم علي تقريبا او اديله البحث مش هتفرق نيته خالص

لان أنا بمنتهى الحمورية حطيت له الفلوس الفضة في ايده

بص لي كده وكأنه هيتحول وجحظت عيناه فجأة فانا فقت وبدات استوعب

قلت له بلهجة استنكار لفعلي القبيح

شوف يا دكتور :أنا مفيش أمل مني خالص هات دول مش بتوعك وخدت الفلوس وحطيت مكانها الدوسيه وأنا بقول له اتفضل ده هو اللي بتاعك

الدكتور كان في ايده زجاجة مياه معدنية من الغالية دي مش فاكره اسمها مكنتش اصلا وقتها معروفة

اداني أشرب وقال لي :يا بنتي الله لا يسيئك ركزي. انتي خسارة ..مخك ده لازم يفصل ...

قلت له بص يا دكتور انا عارفه اني مبقاش بيعجبك تصرفاتي فطلقني واخلص...ضحك بصوت عالي 

 انا مكنتش اقصده طبعا أنا بس سرحت اني لما هروح هتخانق مع جوزي عشان التأخير لو القطر فاتني وهتبقى مشكلة جديدة

الدكتور م.ع بعد ما فهمته قصدي وطبعا بعد ما بص في البحث اللي كان معمول حلو

عفا عني اه والله وقال لي بروح دعابة حلوة :لا ياستي مش هطلقك عشان مش هلاقي زيك

وبمنتهى الغشومية بردو انا تاني قلت له: أكيد ما كلكم بتوع مصالحكم.. مش انا بدي الجلسات بتاعتك في المستشفى وانت بتعمل رزم في العيادة

المرة دي كنت هجيبه من على الأرض من كتر الضحك

معرفش انا كنت شاربه عصير جزم ولا ايه؟

بس فعلا لما الدكتور يكون أب وملهم ومعلم ويشجع الطلبة بيطلع جهابذة زي اللي قدامكم دي????????????

قال لي: امتياز يا منى والله لأديكي امتياز

فرحت أوي اصله كان بخيل ومتعسف في التقديرات جدا وانا بتنطط بصيت في ساعتي قلت يالهووووي متبوعة ب جملة

بالله يا دكتور الراجل اللي جاي ده اديله دول وحطيت له الفلوس فوق البحث اللي في ايده

وجريت جري فعلا 

مفيش دقيقة ولقيته بيطلبني وبلهجة باطنها المزاح تعليقًا على ابداعي الموثق بتوقيعي بخصوص الخاطرة

 وجملة فيها تريقة سيكا: ما تقومي به من أجلك ؟؟؟؟

دا أنا هجيب أجلك لما أشوفك يا منى????????????

# يا ختااااي حقك عليا والنبي يا أخويا????????????????

# مكنش يصح أمارس هوايتي على ورق البحث????

# أطلق ولا أسقط...يا ختاااااي????????

#يوميات_بالمكسرات

#منى_قابل