في يوم من الأيام كنت ضيفة على برنامج
ساعة مع شريف.
وكان أول لقاء بيني وبينه وجها لوجه، شريف مدكور ببساطة إنسان.
من أول لحظة تلتقيه تحس ده في طريقة تعامله وكلامه، كان معايا طفل بيعاني من طيف ذاتوية المعروف في مصر بالتوحد، بالإضافة ل فرط الحركة.
شريف كان صبور جدا مع الولد، وتحمل شقاوته قبل وأثناء التصوير، وجاب له هدية.
إنسان بيتعامل بمنتهى التواضع واللطف.
فاجئني بموقف إنساني تاني لطيف وسألني عن عنوان مركزي وقال لي أنا شفت الولد بيحبك قد إيه وبينفذ تعليماتك بدقة، وده أكبر دليل إنك أمينة على الأطفال دي، نفسي كل الأهالي اللي محتارين يودوا ولادهم فين يروحوا عندك.
طبعا ده مفروض إعلان، بس والله ما أخد مني ولا مليم.
وبعد الحلقة دي جت لي حالات كتير جدا من مصر كلها، حتى أسوان.
ودخل شكرني على الخاص وقال لي لازم نعمل سلسلة حلقات، وأنا كنت أتمنى أنفذ ده بس مكنش عندي وقت .
شريف فضل يعاني من التنمر فترة طويلة جدا، حتى أثناء مرضه، كانوا بيسخروا من شكله وبيتريقوا عليه بكل وقاحة وخسة.
رغم كل اللي عاناه ده، طلع وقال أنا يوم الدين خصيم الناس دي، ومردش خالص على الكلام.
لما النهار ده شفت المنشور ده على صفحته افتكرت، وحبيت أشكره، وأقول له كل سنة وأنت إنسان????
النهاردة كان عيد ميلادي الخمسين
عملت حفلة في بيتي وعزمت حبايبي
وطبعا عيد ميلاد يعني هتجيلي هدايا بس انا فكرت ان الهدية تبقى حاجة تانية خالص
فكرت ان الهدية تروح لمستشفى اهل مصر لعلاج الحروق
واتفقت مع ضيوفي انهم يتبرعوا للمستشفى بقيمة الهدية اللي كانوا هيجيبوهالي
فالناس بتوع المستشفى بقوا واقفين على مدخل البيت بياخدوا التبرعات من الناس
النتيجة: ١٢٠ ألف جنيه تقريبا اتجمعوا لصالح مستشفى اهل مصر
انا مبسوط
وشكرا لكل حبايبي اللي شرفوني ونوروني وادوني هدية حلوة لصالح مستشفى بترجع الابتسامة على وشوش الناس
2
-2
