بقالي كتير مكتبتش يومياتي مع أمجد
بمناسبة عيد الحب
هو عارف إني بعشق الورد جدا
والحقيقة يعني إنه كان بيجيب لي ورد كتير أيام خطوبتنا
بعد الجواز، لقيته داخل عليا في أول عيد حب جايب ورد جميل جدا
لكن ملفوف في سلفان غريب.تحس انه لسه مطلعه حالا من تحت سنان كلب
استغربت.وسألته مين صاحب المحل المعفن اللي لافف الورد الجميل ده في الورقة المعفنة دي؟
تلعثم له كده بتاع ربع ساعة وبعدين جاوبني لما عرف إن لا الانكار ولا التصريح هيفيده 
أتاريه جايبه من جنينة باباه، ولقى السلفان ده في الزبالة ولا إيه متفهموش فقام لافف الورد بيه
مطولش عليكم قولوا طولي
أنا زعلت عشان كرامة الورد اللي اتهدرت دي 
وقلت له الورد ميتعاملش كده. دا أنت لو ملفتهوش كان ارحم وبعدين البتاع ده زي ما يكون كان ملفوف بيه فسيخ وريحته مش حلوة
وقلت له الورد ميتعاملش كده. دا أنت لو ملفتهوش كان ارحم وبعدين البتاع ده زي ما يكون كان ملفوف بيه فسيخ وريحته مش حلوةقال لي ده بدل ما تشكريني 
كبرت دماغي خالص
المهم في عيد ميلادي بقى قال يصالحني
الصراحة صرف وكلف
الدكتور تفتق ذهنه لحل من خرم الصندوق نفسه اللي هو إيه
اللي هو إيهجاب لي pots كتير اللي هي بيتزرع فيها الورد
وجاب تربة مش فاكرة اسمها
وفرش بقى على مشمع في البلكونة وقعد يزرع لي ورد
شفتوا الرجل الكومل
جاي لي الطريق من أوله
قالك خليها تربي الورد على ايديها وكل ما تيجي مناسبة
يخرج البلكونة يجمع لي شوية ورد ومعاهم حزمة نعناع وزعتر
ويجي يهاديني بيهم
الدكترة لما تتجلى...يا ختااااي 
2
-2
