أشباه الرجال

زمان جدا، أول ما الإنسان ظهر على الأرض، كان في شوية

 ميول فطرية جوّاه بتتكون من البيولوجيا ومن طريقة الدماغ في التعامل مع العاطفة. 

الميول دي لسه موجودة لحد النهار ده، بس بتظهر بشكل أرقى وأهدى. وده اللي العلماء بيسموه: الدور الفطري للرجل في الحب.

1. ميل طبيعي للحماية

علم النفس التطوري بيقول إن الراجل بطبيعته عنده رغبة إنه يحمي الست اللي بيحبها.

الحماية هنا مش “سيطرة” ولا “قوة”، لأ

هي ببساطة إنه يكون ضهر، يقلّل عنها القلق، ويخلّيها حاسة بالأمان نفسيًا وإنسانيًا.

زي إنه يقف جنبها وقت ضغط، يسمعها، يثبت لها إن في كتف ثابت جنبها.

2. الميل للمبادرة والسعي

أبحاث الانتقاء الجنسي بتوضح إن الراجل من زمان عنده ميل إنه يبادر في العلاقة.

وده بيبان في:

إنه يبدأ الكلام.

يهتم يعرف أخبارها.

يقرب بخطوات واضحة.

حتى لو الزمن اتغيّر وبقينا بنعيش ما يسمى مساواة ، الميول القديمة دي بتفضل موجودة عند الرجال الرجال بشكل طبيعي. وعكس ده تبقى ميول أنثوية.

3. التعبير بالفعل أكتر من الكلام

علم الأعصاب بيقول إن عقل الراجل غالبًا بيعبر عن مشاعره بـ السلوك مش بالكلام.

يعني بدل ما يقول كلام كتير… يعمل أفعال:

يصلّح حاجة، يسهّل عليها يومها، يتحمّل مسؤولية، يفكّ لها أزمة.

وده اللي علماء النفس بيسموه: التواصل العملي.

4. توفير "الموارد" بمعناها الواسع

زمان كان دور الراجل إنه يوفر موارد، أكل وصيد وأمان.

دلوقتي الموارد بقت ليها معنى أوسع:

دعم معنوي.

استقرار.

مشاركة في المسؤوليات.

إحساس إن في حد بيشاركك الطريق.

مش من باب السلطة، من باب الرفقة.

5. الالتزام وربط المستقبل بالمستقبل

أبحاث العلاقات بتقول إن الراجل لما يحب

العلاقة بتبقى جزء من هويته.

يبص لقدامه ويخطط على أساس وجودها.

ينتقي اختيارات مراعياها.

وده بسبب المواد الكيميائية اللي بتتفعّل في المخ زي الأوكسيتوسين والفازوبريسين

6. احتياجه للتقدير

زي ما الست بتحس بالحب من الاحتواء والاهتمام، الراجل بيحس بالحب من التقدير.

إنه يحس إن هي ملاحظة اللي بيعمله عشانها

إن جهوده مش رايحة على الفاضي.

ده بيقويه ويخليه يفتح قلبه أكتر ويعطيها أكتر.

7. الغيرة… بشكل صحي

العلم بيقول إن الغيرة عند الراجل جزء من آلية بيولوجية دفاعية،

بس،تبقى صحية بمعنى ماتتحولش سيطرة أو شك.

تبقى عبارة عن اهتمام طبيعي، مش إجبار ولا تضييق.

الخلاصة بشكل بسيط

الدور الفطري للراجل في الحب مش أوامر ولا قوانين…

هو شوية ميول جواه، بتظهر لما يحب بصدق:

يكون أمان.

يبادر.

يعبّر بالفعل.

يدعم ويشارك.

يلتزم.

يحب يتقدّر.

ولو الرجل بيعمل أي حاجة عكس اللي قلناه، أو بينتظر إن الست أو البنت اللي تعمله ،يبقى واجب عليه يراجع الخلل ويعرف سببه ويعالجه، أو يعرف إن هيكمل حياته ورجولته ناقصة.

أي ست أو بنت مش لاقيه العناصر اللي تم ذكرها في الشريك، أو بيحصل منه العكس —العلم بيقول مش أنا— تعرف أنها مع شبه رجل، لو في مرحلة ما قبل الزواج اهربي.

اللي مابيتحملش مسؤولية، بيشتم، بيعنف، مش لاقيه معاه الإحساس بالأمان، بيستغلك ماديا، مافيش منه أي دعم ولا مشاركه ، شكاك، يخاصمك ويستنى تصالحيه، يسيبك لوحدك في الأزمات، يتخلى عن دور من أدواره ويطلب منك تعمليه بداله و......الخ

وأخيرا: سؤال مكرر، طب وإحنا هنعرف إزاي؟

  ج: فيه مؤشرات بتظهر غصب عن الرجل، في كلامه وسلوكياته وخصوصا وقت الغضب، المؤشرات دي تدل على حقيقة الشخص لإن الميول اللي ذكرناها دي فطرية، خلقة ربنا زي ما إحنا كمصريين بنقول، بس كل راجل بيعبّر عنها بطريقته، وبتتشكل حسب تربيته وشخصيته وثقافته..