كلمه عاديه جدااااا عند الاسكندرانيه

 

 وهي من التراث و التقاليد و العادات المتأصلة في لغتهم

معناها 

يالهوي... ياخراشي... ياخرابي ...

يجنن...جميل....ازاي....

ممكن تشيل أي كلمة وتقولها عادي واللي قدامك يفهم الجملة برضو كامله

وفي كل المواقف هي صالحة للاستخدام

واحده صحبتي اسكندرانيه بتحكي لي امبارح -وده اللي خلاني أعيد نشر البوست - إن جوزها اللي مش اسكندراني اتفاجئ بعد أسبوع من جوازهم إنها اتصاحبت على سكان العمارة القاهريين كلهم

مش دي المشكلة.المشكلة إنه في يوم الصبح 

نازل شغله لقى البواب بيقول له أحيييه نسيت أغسل العربية امبارح ???? الرجل اذبهل

راح الشغل يحكي لزمايله مآساة الكلمة اللي بتلزق(الأحيييه)

لحد ما خلص كلام كانوا كلهم بيقولوا أحيييه ???? يخرب بيت دي كلمة أحييه

 

مافيهاش اي نوع من الاباحية و لو قولت لواحد إسكندراني د ي كلمة عيب هايبرق ???? ???? و يقولك لاااااااا أحيه بجد ????

و لو قولتله ما ينفعش تقول كده تاني هايقولك 

 

أحيييييه ما ينفعش ما اقولش احيه ..... ???? احيه ده انا اموت

فلما تكون مستضيف اسكندراني أو هو مستضيفك

متقعدش تقرفه في عيشته

الواحد بيشيل هم النزول أي محافظة تانيه..أحيه..مش هعرف أقول احييه ...طب إزاي أحيه ????

الغريب انك بتلقطها بسهولة.يعني ممكن تكون بتصيف وتطول في اسكندرية شوية .ترجع لسانك لاقطها عادي ????

 

 و هناك العديد من المواقف بتتقال فيها عندك مثلا

 تلاقي واحده واقفه قدام محل بتتفرج علي فستان

و تقول لصاحبتها احيه علي الجمال

ترد عليها صاحبتها ده هايبقي احيه عليكي ????????

وطبعا جاءت الأحييه هنا بمعنيين مختلفيين ????

 

أجدع سلام ل أهل إسكندرية الجدعان ✊????????

 

أراهنكم لو بعد البوست ده مفضلتوش تقولوها طول اليوم

وأحييه يا منى خلتينا نقول أحييبه ???? أحييه