بعد ما نشفت ريقكم أنا عارفه 
معلش إليكم
معلش إليكمطبعا الحاج استقبلهم وكان مجهز كام شريط أنتينال.وكمونه وكراويته وبابا غنوجه .على ان تعب الحاجة شوية مغص مش أكتر 
أول ما عرف حقيقة التعب وسمع الخبر اليقين .وهو ان الحاجة ما شاء الله طلعت بالخامس قصدي هتجيب الخامس ..اه ما انا كنت عامله لكم مفاجأة 
أصل جوزي البكري الكبير اومال كان في الجيش ازاي؟وفيه غيره ولدين وبنوته والبنوته دي لحد هذه المرحلة كانت الصغيرة بتاعتهم
وكمان الحاجة طنط في أول الخامس وخمسه في عينينا عشان طبعا احنا مقهورين على شبابنا .المهم أنكل الحاج حمايا
انجعص كده وقعد قعدة محمد على باشا في المجلس بتاعه
وقال لها:ها ها ها تقومي بالسلامة يا سلوى
وطنط اللي كانت وشها أصفر خالص من الخوف ومفيش صموله في جسمها ماسكه في عضمه واحده
احمرت ووردت فجأة حسب رواية أحدهم
اللي هو أخو جوزي وضحكتها ملت وشها
وقالت له بغنج: "دلع زايد سيكا يعني "
قلت لك من يوم ما كنا في البلد أنا حاسه بحاجة غريبة يا حاج
وقف محمد - اللي هو أحدهم-لسه قايله لكم عليه من شويه مشدوها وقال:البلد؟
أتاري أنكل الحاج حمايا بيخدها البيت الكبير في البلد كل فترة يغيروا جو ويجددوا شبابهم ويمرمطوا جوزي اللي هو يا ضنايا الكبير والوحيد اللي شايل مسؤلية.هو الرجل جوزي ده راح فين وساب الأحداث؟ المهم
وأثناء شرود محمد
ضحك انكل الحاج حمايا طبعا ضحكة انتصار مدوية
جابت محمد من شروده على ملى وشه
جابت محمد من شروده على ملى وشهوسمعه بيقول لها يلا ندخل أوضتنا
ومتقلقيش من أي حاجة خالص
ارتاحي انتي ونامي مادام عرفنا السبب
هتسألوني عن جوزي،لقيته خلاص.. هناك مرمي عالكنبة يا قلب أمه نايم أو مغمي عليه حاجة في الرينج ده
بعد مرور شهور جوزي كان اتخرج وخلص الجيش
كلكم عاوزين تعرفوا خطيبته "الآنسة ف"فين وسط كل الأحداث دي؟
الصراحة الحاجة طنط كان خلقها ضيق أوي في الحمل واتخانقت معاها مرة في ساعة هرمونية وحاولت توصل لها ان الحياة فيها حاجات تانيه والدليل اهو حي قدامها وشاورت كده على بطنها و"الآنسة ف"
كانت بتاعت مذاكره وبس وملهاش في أي شيىء آخر وخايفه تدبس في البيبي لانها هتسكن في ذات نفس العمارة
ولما جوزي قال لها ان احتمال يأجلوا الجواز شوية لحد ما الحاجة طنط حماتي ربنا ينتعها بالسلامة مامت" الآنسه ف "اتريقت كتير ورفضت التأجيل واتلككوا و"ف "محاولتش تصالحه فجوزي زعل وخاف يزعل مامته فخبى عليها الأحداث برمتها
والموضوع باظ .لأن محدش فيهم كان بيحب التاني
وكانت جوازة صالونات وطنط صاحبة الصالون سببها
والسبب الأهم عشان أنا اتجوزه وتبقى العيلة المسكرة دي من نصيبي،
وطبعا هي طول الحمل بيعاملوها زي الغريبة-اه الناعمة البيضاء اللي بتتكسر وهي قاعده لوحدها في الطبق دي- عشان تعبها وعشان الحاج فرحان أوي بيها وكأنها أول مرة ومرت أيام بسيطة
واستلم جوزي تكليفه في مستشفى الساحل التعليمي زي أي مواطن طبيب شريف في هذه الآونة
وكل الناس بأه الدكتور راح الدكتور جه،وبقى معروف جدا في المستشفي هو شاطر من صغره وله تاريخ طبي حافل بالانجازات في المجال العلمي
من أيام المدرسة في الاعدادي لدرجة مره واحد صاحبه أولاني عور واحد صاحبه تاني وفتح ايده فهو خيط ايد صاحبه التاني وضرب الأولاني عوره
والخياطة ايه زي الفل والناظر اداله جايزه
غاوي غرز من صغره الصراحة
في مساء يوم بأه كان شيفت ليلي في المستشفى في رمضان
لقاهم بيندهوا عليه وبيدوروا وقالبين المستشفى عشان والده -الحاج الكبير أوي -على التليفون الأرضي عاوزه لأمر خطير
خد ديل البالطو في سنانه واستأذن وراح على البيت جري يا ضنايا 
وهو من جواه بيقول انا اكيد مش ابن الناس دي،دول لو لقيني اودام جامع مش هيمرمطوني كده
وهو من جواه بيقول انا اكيد مش ابن الناس دي،دول لو لقيني اودام جامع مش هيمرمطوني كدهاتاري والده عاوزه عشان مامته تعبت 
والحاج طبعا مبيروحش المشاوير التافهة بتاعت المستشفيات دي زي ما نمى لعلمكم في الجزء الأول
والحاج طبعا مبيروحش المشاوير التافهة بتاعت المستشفيات دي زي ما نمى لعلمكم في الجزء الأولالحاج بصوت جهوري:متسبهاش ثانية وطمني بالتليفون لما تقوم بالسلامة
-انت هتسبني معاها لوحدي ؟دي ولادة ؟
-لا طبعا مش لوحدك خد محمد أخوك معاك
-يا لهوووووي يا بابا انا عندي شغل هو انا خايف أروح لوحدي؟وبعدين دي مش مستشفى أبويا مش قصدي حضرتك يعني
طبعا الحاج بقاله اربع شهور متنطط على المنطقة كلها وشايف نفسه وظهر عليه هوايات جديدة وغريبة في ذات نفس الوقت زي متابعة الملاكمة
وبقى يمشي في البيت مشيه غريبة تحسه جون سينا في نفسه كده
ومحدش فاهم الأسباب
ومحدش فاهم الأسبابخصوصا ان طنط قليلة كده في نفسها ورفيعه ومش باين عليها حمل خالص كأنها واكله أكل دسم شويتين بس
وخدها جوزي واخوه محمد في العربية قبل ميعاد السحور ب ٣ساعات واتجهوا إلى مستشفى الساحل التعليمي وهناك كانت المفاجأة
اول ما شافوا جوزي طبعا أهلا يا دكتور.. اهلا يادكتور
حماتي سمعت وشافت الترحيب وكده وكانت متشعلقه في ايده من ناحيه وايد محمد في ناحية
قامت مسكه في هدومه وقعدت تشد فيها
مالك يا ماما فيه ايه؟
متقوليش يا ماما .جوزي في سره قال:انا كان قلبي حاسس محدش بيعذب ضناه كده أبدا ده الكنجارو بيحط عياله في جيبه يا حاجة.خبطته كتف وقالت:
سامع متقولش اني أمك.انا اختك الكبيرة فاهم
ليه بس يا ماما؟
متقوليش يا ماما اسمع اللي بقولك عليه يا حيوان.دول كلهم زمايلك وهيصدقوك... لما أولد وامشي ابقى قول لهم....اختك أنا اختك
-خلاص ماشي أختي اختي
خدها جوزي وبعد الاستقبال اللي مخدوش بيانات لسه ولا أي حاجه لأن حماتي ممرمطاهم صويت وضرب اتجهوا للغرفة المجاورة لكشك الولادة
وهناك لقى دكتور نايب صغير خالص أول تعينه
كشف وبعدين قال لجوزي لا لا لأ احنا لسه محتاجين وقت
وقت ايه؟
_تلت..اربع ..ساعات كده،متقلقش هي البكرية كده
طبعا جوزي في سره رقع بالصوت بكرية ازاي؟ده احنا أربعة. بس كان فاهم لأنه دكتور ان والدته من اكتر من ١٤ سنة محملتش مرضيش يحرجه ومقالش اصلا انها أمه 
المهم بيتناقشوا قدامها فالدكتور الصغنون ده قال كلمة بكرية تاني قدامها
وحماتي سمعت بكريه من هنا وقامت جايبه جوزي من قفاه نزلته على سرير الكشف وقالت له في ودنه
دا حمااااار...مين البكرية دي؟ هات لي دكتورة كبيرة يا حيوان..اتصرف...أنا بول----------د وقعدت تي صوت تي صوت لحد ما حصلت المفاجأة
اللي مستني الجزء التالت والرابع-الاخيرفى نفس الوقت يسيب تعليق انه 
مهتم
مهتمم ل ح و ظ ة مكتبتوش لسه عشان متملوش من الاطالة والاحداث لسه كتير
من كتابي:#يوميات_بالمكسرات
د. عزة محمد بركة
محمد محمد جاد محسن
رشا ماهر يوسف علي سالم
هبة حليم عزيز شعبان
د.خليل السيد خليل محمد
د. نهى فؤاد محمد رشاد
زين دومه عبد العاطي الابوز
يوستينا الفي قلادة برسوم
د. عبد الوهاب المتولي بدر
د. نهله عبد الحكم احمد عبد الباقي 
حنان صلاح الدين محمد أبو العنين 
زينب حمدي 
د. محمد عبد الوهاب المتولي بدر 
ياسر محمود سلمي 
د. شيماء أحمد عمارة 
م. اشرف عبد الصبور الكرم 
5
-1
