محتاج حد يكون خيالي
تشكيله حالك لا تداري
لا يهون عليه يوم يكسرك
ولا بسكاته يخذلك
محتاج لحد م الهموم
قلبه خالي
مطلوب ملاك
مش امتلاك
أو جني خارج من فانوس
مطلوب لقلبك إيد تطبطب
مش تدوس
مطلوبة تصفى النفوس
محتاج لعقل يسمعك
ياخد بإيدك
مش يمنعك
محتاج كلام
يعطيك أمان
مش انهزام
يقتل أمل
محتاج لناس كويسة
من غير رياء كذب ونفاق
ناس صعب إن تقول فراق
محتاج ترجع بالزمن
عصر الصحابة المخلصة
محتاج صديق
يمشي الطريق
بقلب مؤمن بيك رفيق

محتاج لطاقة احتمال
ترجع القلب اللي كان
لسه شباب عايش خيال
محتاج لطب ومعجزة
تداوي قلبك اللي شال
كسرة خواطر وانهزام
لكنه طبعا شيء محال