أنا حواء (شعر)

أنا طفلة بقلب كبير
وبنت مراهقة بضفيرة
وشابة تبني قصر أمير
بَحب بعقل وبغيرة
وزوجة رافضة للتغيير
حبيبة وأخت وصديقة
أنا أم وبضحي كتير
وأقتل نفسي م الحيرة
أنا حواء بقلب أسير
عمر ما كون سوى أميرة

أنا قادرة
وبتحدى
وباخد فرصتي بشدة
وحقي لو في إيد فاجر
بكون له سيف ودرع متين
وحربي تكون كما حطين

أنا الرقة
أنا الاحساس
وخفة روح وجاذبية
فراشة ف وسط زهور
وريحة لوردة برية
أنا لحن لعازف مشهور
وعمري ما كون منسية

أنا الأصل وأنا الصورة
ولما أرجع بزمني عصور
بكون في معبدي حتحور
وملكة حياتي أسطورة

أنا ف لوحة بكون بسمة
ولو كان متحفي مهجور
وجودي يجعله مشهور
وسر لصورة مبتسمة

أنا الشدة
أنا القسوة
دليل تايه في ليل غدار
وبدر في ظلمة المحتار
جديرة أخلي ليله نهار
أنا الشمس إللي بتدفي
ولكن لسعتي كالنار

أنا الهمسة
أنا اللمسة
ويوم ما تشوف ده سذاجة
بكون أنا ديب في الغابة
وكيدي يغلب السادة

أنا إنسان
في كل حالاته معترفة
فأوعى يوم تشوف ضعفه
حدوده الحيرة واللهفة