الشجر إللى عندنا أتقطع

ولسه فيه هنا عصافير

فيه حد تانى زرع

شجر تانى عليه تطير

وألا الشجر القديم طلع

واتلموا عليه العصافير

بس أزاى وهو اتخلع

من جدوره ومالوش تأثير

ظلمنا الشجر واتارى

كان هناك عش مدارى

وعشش فى دماغ الغاوى

واتعلم يكذب كذب مساوى

معانا واحد مغمور

نفسه يكون مشهور

راح أشتغل عصفور

فى الضلمة وفى النور

أتطوع من غير تكليف

وأتمرمط بقى واد عريف

راح قرب من أستاذ حريف

شرب الصنعة فى دماغه زى الكيف 

وبعدها آدى وش الضيف

دلوقتى بيقعد على الكرسى

ورجليه فوق المكتب

الله يرحمك يا عم منسى

كان بيرتعش وهو بيكتب

عاوز ياخد لوحده الشوه

ويظهر للناس زى الضوه

محدش يقوله أزاى ونوه

ربنا يكفيك شر تربية الجوه

لو جه المدير سأله

عن فلان وعن شغله

يقوله أنا عمرى ماشوفته

إلا نايم وأيده على خده

ولو عايز ياريس صورته

أجيبها لحضرتك من غير ماتقوله

نزل المدير يمر.....

شاف النايم شغال

من غير ما يمل

أخد قرار فرح الكل

تم نقل المذكور

العصفور المغمور .