الخوف مدفون في الصدور
شايفينه فى العيون
مرسوم على الوشوش
عارفينه بكل لون
بقينا كلنا كفر أرانب
الباب عندنا يادوب موارب
لو شفنا رجالة عتريس جاية
نستخبى جوه الجحور
ولو فيها حيات وعقارب
عتريس ...
كفر عاقل وحكيم
شىء من الخوف ميأذيش
الدهاشنة زى الديابة
ولولا خوفهم منى
ما كنش حد منكم يعيش
وأنا هتجوز فؤاده
رضى أبوها أو مرضيش
المأذون وشيخ البلد وحافظ
دخلوا يجيبوا التوكيل فؤاده قالت مش هتجوز عتريس
ولو خايفين هاخرج أقول
خرجوا مرعوبين
قالوا مبروك يا سى عتريس
وكان الفرح والتطبيل
الشيخ ابراهيم عرف
راجل بيخاف ربنا
وعمره فى الحق ما ... ماطل
وقف على المنبر وقال
جواز عتريس من فؤاده باطل
غرقوا أرضه
حرقوا زرعه
قالوا ... اسكت
قال ..... باااطل
قتلوا أبنه محمود يوم فرحه
قال بردوا ..... باااطل
كتبها على حيطان البلد
جواز عتريس من فؤاده باطل
خرجوا الدهاشنه فى الليل
والغضب ماليهم
شايلين قلوبهم على كفوفهم
والنار فى أيديهم
ديول عتريس هربوا
لما حسوا بالخطر حواليهم
وزى بدران ما ... خان
أدهم
العصفورى سلمه ليهم
رموا النار إللى فى قلوبهم
قبل النار إللى فى أيديهم
حرقوا عتريس جوه قصره
وقلب فؤاده كان بيبكى
عليه وعليهم .
2
-2
