محراك شر

معانا واحد طماع

مش بيحب غير نفسه

بيلتمس سوء النية

خايف الناس تغشه

مشغول دايما بدكانه

وهو ده اللي شاغله

بيقرب من كل مسؤول

ويعرف نقطة ضعفه

ياما قدم هدايا

عشان يحافظ على وضعه

ناكر جمايل الناس

عشان لئيم بطبعه

تزرع ابن آدم يخلعك

وينسب مجهودك لنفسه

يتحالف مع الشيطان

في سبيل مصلحته

يظلم أى إنسان

ومالوش نصيب من أسمه

سايق فى الكبر

وهو لا حول له ولا قوه

وتدور على الجوهر

تلاقيه فاضى من جوه

بينكش ويعرف أخبار الناس

صاحبه قبل عدوه

عشان يعرف يتعامل

ويقرصه قرصه تشله

ذكى ولماح مش فى الخير 

محراك شر والشيطان بيضله .