كنت فاكره صاحبى 

معايا صاحب كنت فاكره صاحبى 

عشنا سنين صحاب نتكلم ونحكى 

اتفقنا واختلفنا وجهات نظر وبتعدى 

كان لو جت له فرحه 

كانت بتسعدنى 

ولو صابه هم وحزن 

يسبق كلامى... دمعى 

وربنا أعلم بنيتى 

وحسن قصدى 

بقاله فترة متغير 

ويتكلم كلام مش مفهوم 

ولو سألته ليه متحير 

يقول الناس متعبة والهموم 

دى سنة الحياة يا صاحبي 

وربنا يكون في العون 

الأقيه مع الناس قدامى 

يتكلم كلام موزون 

يحاول يسخر منى ويتفلسف 

وأقول يا واد بلاش ظنون 

يمكن عايز يظهر ويتثقف 

مع أنه يزهق لو قرأ كلمتين 

والتمس له عزر المستظرف 

في المعنى والفكر والمضمون 

أنا مش نرجسى ولا بتأفف 

لكن دى حقيقه مش ظنون 

أنا باقى على العشرة 

وعلى الذكرى 

وعلى العمر إللى عدى 

للأسف.. كان أوهام 

عتابى لك..... فات 

أهمالى لك..... سكات 

كلامى معاك.... ذكريات 

وكفاية ..... السلام .