معايا واحد صاحبى

جاى امبارح يقولى

الناس زعلانة منى

عشان إيه يا صاحبي

قالى .. عشان بتنقد أفعالهم

وكلامك بيجرح مشاعرهم

بلاش تكتب على سلبياتهم

ياريت تركز مع ايجابياتهم

قلت له.. أنا بفصل جلابية أو بدله

واللى تيجى على مقاسه يلبسها

واللى تيجى عليه مظبوطه وعدله

يبقى مبروك عليه كل كلمه

وأنا مش شايف هنا

أى إيجابيات

أسأل الناس عنهم

وعن إللى فات

وأنت كمان عارفهم

لكن بدون حساسيات

وليه الناس كارهينهم

وليه بيزيدوا فى المكافأت

قالى .. دول همزة الوصل

إللى بينا وبينهم

شوفنا إيه غير قلة الأصل

وأية اللى عاد علينا منهم

أد كده ... كلمة الحق كتير بتوجع

وظلم الناس وكسر الخاطر ده يولع

تجوع ناس لكن ...

أنت لوحدك تشبع

كلامى تعب قلبك

وخلى عينيك تدمع

عارف أن صعب أغير شىء من الواقع

عشان جوه النفس جيوش بتتصارع

والخير والشر جوانا

وكل شىء وله دوافع

لكن أوعدك ياصاحبى

هفضل عن الحق

دايما ..... أدافع .