وجاى تقولى أنسى 

طب جاى تقولى ليه

ما قلبك باع بأسوه

خايف على قلبى من إيه

قلبك باع بأرخص تمن

وقلبى اشترى جرح الزمن

أتمنيت عمرى يكون لك سكن

وياخسارة بعت ومكنش العشم

صدقنى كان صعب عليا

أنسى حبك ولو ثانيه

أو أفكر إنى أنساك

لكن ده مش بإيديا

قلبك غدر يا عينيا

وقدرت أنسى هواك

كان بينى وبين قلبى

شىء من التحدى

مايعرفوش إلا المجروح

كنت ساعات ببكى

والفكر كان بيقتلنى

مع كل دمعه بتروح

وأحزن لما ألقى نفسى

تايهه مابين يأسى

والأمل زى الروح

بيسافر بعيد عنى

ويحلم أحلام التمنى

يرجع يلاقى النوح

أرجوك كفايه

وصلنا للنهايه

كفايه جروح .