كدابين زفة 

بتعاتب مين يا صاحبى

دول مش أهل عتاب 

العتاب بيكون عشم 

بين حبايب وأصحاب 

للأسف دول عدم 

طول عمرهم أغراب 

كانوا مركونين 

فوق الرفوف 

لحد ما غطاهم التراب 

ولما شدوا حيلهم 

والدنيا رجعت تصالحهم 

افتكروا أيام العذاب 

عوضوا النقص بالرقص 

عملوا زى فردتين مقص 

وكتيرة أوى الأسباب 

العيب مش عليهم 

الله يرحم اللى خلاهم 

فوق الناس زى اللبلاب 

داسوا على كل الأصول 

ودقت على الرأس طبول 

لحد ما القلب شاب 

بيجروا على حتة عضمة 

ماتكفيش عزومة غدوة 

وتأنيب الضمير له حساب 

إحنا خدنا الزهوة والبريق 

وعمرنا ماظلمنا برىء 

لما كنا شباب 

إن جالك العز 

بظلم الناس 

مالوش لازمه 

بيكون زى السراب 

دول غلابة يا صاحبي 

لسه خايفين على الكرسى 

كدابين زفة 

وجاى تقولى عتاب .