معانا واحد كان صاحبنا
أيام الشباب والبراءة
من يومه كان سابقنا
لمعرفة الكبار والوجاهة
مخلص أوى فى شغله
ومتلاقيش عنده غلطه
وعنده حلول لأى عقبه
وعشان كده ربنا كرمه
وصاحبنا قعد على الكرسى
وفرحناله من جوه قلوبنا
شوية واتغير بقى رسمى
وعن صحبته إحنا بعدنا
الأنا عنده بقت عالية
وضحكته بقت مش صافية
وقرصته بالدم مش شافية
كلامه مع رؤساءه تبجيل وتقدير
ومع مرؤوسيه جفا وتكدير
ربنا يكفيك شر الفتنة المتهورة
كل الناس بعده فى الفهم متأخرة
هى المسؤلية كده عايزة تقل وبهرجة
تكلمه فون مايردش عليك
يقولك المسؤلية صعبة
وأنت شايف بعينيك
ولو حد بعت له رسالة على الواتس
آخره لو بعت يبعت رمز
الغرور خده بعيد والكبر
نسى أنه كمان بدأ من الصفر
أكيد طبعاً هو فاهمنا
مش بقولك كان زمان صاحبنا .
2
-2
