حبك القديم 

كنا ماشيين 

وقابلناه صدفة 

حبك القديم 

ونظرتك له شاردة 

سرحتى انتى شويه 

وسمعت أنا همسة 

كان لكى كل الدنيا 

وكنت أنا لسه 

اتغيرتى ليه فى ثانيه 

قلتى ... أنا آسفه 

شوية وسمعت كمان تنهيدة

ذكريات وأشواق 

مسافرة بعيدة 

بتغالطى روحك 

عشان انتى عنيدة 

وكان هو روحك 

وحياتك ودى أكيدة 

مكنتش عارف عنك 

أى حاجة 

لكن إللى شوفته منك 

عرفنى وبزيادة 

كلامك معايا كان يادوب 

سد خانه 

كنت بطير لما أشوفك 

وحكايتى عندك خلصانه 

كل ما افكر 

احتار واستغرب 

ليه كنتي عايزانى 

لقلبك اقرب 

عشان تنسى بيا حبك 

الأول وأكيد الأخير 

حبك القديم مالى قلبك 

حرام أكون أنا الأسير .