أيام بقت شبه بعضها
عايشينها بحلوها ومرها
فاكرينها بودها وهجرها
كارهينها بدمعها وحزنها
أتغيرت الدنيا من حوالينا
وأتسرق العمر من بين أيدينا
طموحنا كان أكبر من أمانينا
وصحينا فى يوم ما التقينا
فين أيامنا ... راحت فين ليالينا
كان هنا زمان غرامنا
كانت هناك محفورة أسامينا
سهمين من جوه قلوبنا
منحوتة على شجر الزينة
ولما الحبايب يشوفونا
يتعلموا الكلام من عينينا
يا سلام لما كنا نتقابل
بعد أشواق ياما
وياخدنا العتاب
لسكة الملامة
كل ده غياب
قلبك كله أساوة
وفى لحظة يروح الضباب
ونلاقى الدنيا حلوة
وكل حاجة فيها
بتحلو معانا
وطريق طويل مشيناه
وعدينا بحور فى لقاه
الكلام من عينينا اتقال
والحنان بين ايدينا أتكلم
والشوق فى قلوبنا طال
وبعيد عن الحب بنتألم .
2
-2
