يا ابنى ... ياللى جوه قلبى

يا عمرى ... يا حلمى

يا اغلى شىء فى الكون عندى

ياللى كنت لسه جنبى 

خدوك دلوقتى منى

خدوك غصب عنى

هات حضنك جوه حضنى

مش سامع نبض قلبى

نفسى احضنك والاعبك

وترجع تانى تضحك

جت الرصاصة جوه صدرك

وجعتنى .. قتلتنى وحسيت بألمك

مقدرش اتحمل بعدك

ده عمرى انتهى بعمرك

هزيت مشاعر الانسانيه

والدموع حزينه عليا

ايه اللى بيجرى فى عروقنا

دم ده والا .... ميه

كنت بحلم يبقى لنا وطن

وعيونى تكون لك سكن

لقيتك انت بتدفع التمن

مت شهيد وعاش 

الوطن

ولسه بحلم يبقى لنا وطن

ولو حتى فى اخر الزمن .

----

إلى روح الشهيد محمد جمال الدره فى ذكرى استشهاده