مين كان يصدق
ان الترعه اتردمت
وبقت طريق مسفلت
والنخل اللى كان
على الشطين
فارد جناحه
دلوقتى بقى
مقسوم طريقين
للى جاى
واللى راحوا
والساقيه اللى كنا
بنخاف منها
واحنا صغيرين
عشان ضلمه
بقت بيوت كتيره
وشوارع كبيره
وفيها ألف لمبه
والقمر اللى كان
بينور ليلنا
واحنا بنسقى الارض
من نيلنا
حياتنا كانت بسيطه
وبنراعى ضميرنا
دلوقتى .. بالريموت
واتهد ... حيلنا
اه ... يابلدى اتغيرتى
وبيقولوا هتبقى مدينه
الاسم مش مهم عندى
المهم هو انتى يا أصيله
دلوقتى كام كافتيريا
على كام كافيه
شباب سريع عاوز
بيتزا .. كريب .. ممفيه
اه ... بابلدى اتغيرتى
حتى كمان فى العزا
كنا بنروح نواسى
ويكون لنا عبره وعظه
دلوقتى تصوير وبهرجه
وتكلفه وتعالى ومنظره
....................
عاوزين نتعلم اننا
نعرف نحب بعضنا
حتى لو اختلفنا
فى رأينا
اللى يعرف يعمل حاجه
مفيده للبلد يعملها
مش شرط يكون مسئول
احنا عايشين فى خيرها
.........
انا مش ضد التجديد ابدا
ولا التغيير
انا نفسى اشوف فى بلدنا
دين وضمير
ناس فاهمه .. ناس واعيه
ناس لها تأثير
ويارب يكون اللى جاى يا بلدنا
كله خير .
د. عزة محمد بركة
رشا ماهر يوسف علي سالم
هبة حليم عزيز شعبان
د.خليل السيد خليل محمد
د. نهى فؤاد محمد رشاد
زين دومه عبد العاطي الابوز
يوستينا الفي قلادة برسوم
د. عبد الوهاب المتولي بدر
د. نهله عبد الحكم احمد عبد الباقي 
حنان صلاح الدين محمد أبو العنين 
زينب حمدي 
د. محمد عبد الوهاب المتولي بدر 
ياسر محمود سلمي 
د. شيماء أحمد عمارة 
م. اشرف عبد الصبور الكرم 
5
-1
