اتغيرت كتير ياصاحبى

لا بتصبح ولا بتمسى

أكيد غيرك الكرسى

اطمن بيزول مابيدومشى

إللى قبلك خد إيه

مشى ومحدش بكى عليه

كانوا بيتقوا شره وبلاويه

ويتلفت يلعنوا أيامه ولياليه

أوعى فى يوم تعمل زيه

الناس زهقت من عمايله

ومن كلامه ومن فتايله

وأنت شايف إللى بيحصله

ياما شفت ناس جريت عليه

عشان يزكيها عند سعادة البيه

عشان مكافأة فيها كام جنيه

دول أول ناس مابيسلموش عليه

وهو حقيقى عمره ماحب حد

وواخد على نفسه كام عهد

إنه مافيش غيره بيفهم ويرد

مايعرفش يبنى مايعرفش إلا الهد

عارف إنك مسالم وراجل طيب

بتندفع فى الكلام لكن قريب

اتحلى بالحكمة 

ووقت الشدة

خليك هادى

أعرف أمتى تتكلم

وأمتى تبقى معلم

وإزاى تكون عادى

عارف إنك شغال بدماغك

لكن هناك ناس واقفة لك

بتصطاد همسة وكلمة من كلامك

متأمنش لديب ولو من أرحامك .