الشك كان قاتلنى

إنك حبيبتى قبلى

وأما كنت أواجهك

تقولى محصلشى

ياما كان نفسي تصارحينى

لو كنتى صحيح حبتينى

أن قلبك حب غيرى

كنت هسامح صدقينى

عمرى ما كنت هعاتبك

عشان الماضى ده ملكك

لكن أنا سألتك

فاكرة كان إيه ردك

أوعى تقولى بريئه

عشان دى الحقيقه

وأنا كل دقيقه

بقولك ... كرهتك

أوعى تمثلينى بيه

عشان أنا غيره

ومادام ... حبتيه

هو أولى بطيره

بتشوفى فيا صورته

وتفتكريه دايما معايا

ولسانك يغلط بإسمه

وأدارى كتير جوايا

يا ترى مين الضحيه

قلبى والا قلوب تانيه

والا قلوب لسه مستنيه

أكيد عارفه ولسه مخبيه .