الرجل الطيب

معانا واحد صاحبنا
طول عمره رجل طيب
كان دايماً زاهد الدنيا
راحوا ممسكينه منصب
ده مكان عايز ديب
وعايز كمان تكون تعلب
وأنت يا صاحبي ...
طول عمرك رجل مؤدب
سايبين حواليك شويه عصافير
يلعبوا من وراء ضهرك
بيتسابقوا يبلغوا المدير
عمرهم ما احترموا سنك
ومعاهم كام خبير
هتروح فين كفاية طيبتك
أبعد عنهم يا صاحبي
كبر دماغك ونفض
أعمل شغلك وأعرف
أمتى توافق وأمتى ترفض
بيحطوا فى طريقك عقبات
عشان مش بتعرف تعرض
بتكتم جواك الحسرات
قول.. أتكلم .. فضفض
أنت عارف إيه هى مشكلتك
إنك بتيجى دايماً على نفسك
مع ناس بيشوفوا مصلحتهم
شوف أنت كمان مصلحتك .
يا رجل يا طيب .