المنشور ده في حُبِّ الخير، وعايزة تعرفوا إنْ الخير ده مفهوم عام، يعني مش مُقتصر على حاجة مُعيّنة، أعلى درجات الخير مُساعدة الغير، وأدناها إنك مش تأذي حد، شفتوا الخير سهل وجميل إزاي؟
مُجرد إنك مش بتأذي حد سواء بأقوالك أو أفعالك فأنت بني آدم نضيف، استمر زي ما أنت كده، خلليك طيّب في تعامُلك مع غيرك، عِشرتك سهلة اللي يعرفك يحمد ربّنا إنه جابك في طريقه.
الخير الخمس حروف دول قادرين يعلّوا مكانتك دُّنيا وآخرة، قادرين يحبّبوا فيك خلق ربّنا، قادرين يكونوا درع ليك ضد الشرور والأذى، طبعًا كُلّهُ بفضلِ اللَّه سُبحانَهُ وتعالى.
في ناس عرفت الدُّنيا على حقيقتها فقررت تعمل الصالح، شغلت نفسها بفِعلِ الخير، خللته أسلوب حياتهم، ومن النّاس دي طنطي ليلى الخير السُكرة، طنط ليلى دي مش مُجرد ست عاديّة، لأ، دي ست بمليون راجل، دين وعِلم، مصنع أخلاق خام، مدرسة حياء، جامعة تربية.
طنط ليلى من كُتر حُبّها في فِعل الخير نسبتْ اسمها للخير، مش بتقفل بابها في وشّ حد، معروفة بشهامتها وشجاعتها، بتعمل الخير خالص لوجه اللَّه تعالى لا علشان مصلحة أو شُهرة، وربّنا دايمًا معاها وبيعينها ومش بيخذلها.
طنط ليلى أنا فخورة بيكي بجد، وبحبّك❤️ وأنتي عارفة يا طنط، وبقولك أنتي فخر لأي حد لسه قلبه نضيف وبيحبّ يساعد غيره.
ربّنا يديمك يا طنط ويزيدك من فضله، ويكرمك ويقويكِ ويعينك، ويفتح لك أبواب رحمته ورزقه، وأبواب الخير من عنده، ويزيدك صّحة ومال وقوّة، ويحفظك ويسعدك ولا يحرمكِ رضاه.
2
-2
