عصفور جناحه مقيّد

عن حُرّيته متقيّد

لا بيفرح ولا بيعيّد

حزنه بلغ أقصاه

شرخت قلبه الآه

حزين يا ولداه

ليله زي نهاره

لا الفرح يوم زاره

ولا الهَنا يا خال

والحُزن عال العال

يصدح لينا بموّال

موّال يهد جبال

كسروا جناحه يا بوي

والقلب كمان يا خوي

ولا عادش يصدح تاني

ليلاتي يا ناس يعاني

مين يا ترى الجاني؟

قتلوه في نفسه يا خلق

وإن جيت للحقّ

كسروا ما فيه من نبض

نبض الحياة يا مُحِبّ

شاف السما بعينه

دمعت يا ناس عينه

بقى هي دي الشَّمس

ناقصه بس يحسّ

يحسّ إنه حُرّ

فُك القيود يا ربّ

والروح في جسمه تدبّ

ويرجع تاني يحبّ

يحبّ الحياة يا عم

والجرح بقى يتلم

الضلمة صبحت نور

عصفورنا دا الشطور

سلّم أموره للَّه

سيّده ومولاه

وحاشا للرحمٰن

يحرمه الطيران

وإن كان جناحه مكسور

فبقول كُن يكون

يصبح قوي ومجبور.