نينة يا نينة

الأيَّام لفت بينا

كبرنا يا نينة وعدّينا

مرّة ف مرّة وبقينا

كُبار كُبار كُبار

هو دا جدّ ولا هزار

أقولك سرّ من الأسرار

حاسة كإني نايمة

يا نينة في دُّنيا تانية

غير عالم الأطفال

وزمن العيال

بقيت يا نينة صبيّة

شابّة حلوة وعفيّة

بس الروح لساها

طفلة أنا حاباها

كبرت يا نينة فجأة

طب عارفة إيه المفاجأة

أول ديسمبر هاكون

كبرت سنة وعقبال مليون

نينة يا نينة رجعي الزمن بينا.