حلوة يا ناس الأحلام

مش بتخلّي العقل ينام

بتكبر بمرور الأيَّام

حلوة يا ناس الأحلام

بس بجد مش كلام

لازم سعي وهِمّة شديدة

وعزيمة وأفكار جديدة

ونفكّر بطريقة مُفيدة

أحلامنا جميلة وسعيدة

هانحقّقها بكُلِّ طريقة

حلوة يا ناس الأحلام

لما بتطلع بينا قُدّام

مش كلمتين وننام

لازم إرادة وإصرار

وهدف وطموح جبّار

ومحاولات ليل ونهار

مفيش مشكلة م التكرار

والتكرار بيعلّم الشطار

حلوة يا ناس الأحلام

بتخلّينا نشوف قُدّام

مش بنكسّل ولا بننام

بنعافر مُعافرة جامدة

بعزيمة وإرادة صامدة

نار الأحلام مش خامدة

أحلامنا حلوة وجميلة

بعون اللَّه مش مستحيلة

فاللهمَّ وفقنا وزدنا بالمداد

وبلّغنا يا ربّ المُراد.