الحلو حلو ولو حصل إيييييه

أصيل الطبع ما بيتغيّرش

جميل الروح خللي قلبك بين إيديه

وما تخافشي ده ما بيسرقش

الحلو حلو ولو قالوا عليه غير كده

القبول ده ما بيتباعش.. مش كده

وأنت يا حلو حلاوة قلبك أهي باينة

في كُلّ حالاتك مش محتاجة مُعاينة

الحلو جميل الروح

تسرح معاه الروح

أثره جميل مطرح ما يروح

ده أنت الحلو يا معافر

ولسيف الطموح شاهر

ركز مع قلبك أكيد هيدلك

وسيبك من الظاهر

قالوا عليك وعادوا

وكتّروا قولهم وزادوا

سيبك منهم كلهم

أنت حلو مش زيّهم

خلليك مع الرحمٰن

يهدي قلبك الحيران

ويشرح صدرك

وييسر لك أمرك

وما تشيلش جوّاك

يا أجمل ما فيك جوّاك

جمال قلبك طاغي على صورتك

فوّض أمرك لربك

وما تشيلش هَمّ حاجة

ده أنت الحلو وزيادة

اِبتسم ونوّر الدُّنيا كَالعادة

ويا غايبين عن العين

في قلب القلب ساكنين

ده الإحساس من الحنّان

مالوش فيه دخل ده الإنسان

ويا واخد من الروح حتة

في طُرق القلب ليك سكّة

ويا صابر على الأذيّة

سَمّي على قلبك حمّال الأسيّة

وسيب الأمل يرويك

ولطريق الفرح يهديك

ويا مظلوم من اللي هناك

خد أملك تملّي معاك

ولا تحزن ولا تغضب

ناجي ربّك ومنه قرّب

يحميك ويرعاك

ويحفظك منين ما تكون

ده أمره بين الكاف والنون.