عِدّ الجروح يا زمان

ويَّاها ندوب أحزان

والدمع ملا خزّان

يجري من السيلان

ويا عاشق لنور اللَّه

إخلع رداء الآه

واللي شايله معاه

حِبّ الوجع فيك

وإن كان مخلليك

ليلاتي م الألم سهران

داوي بحُبِّ اللَّه

الألم والآه

واجعل من حلاوة قلبك

مخيط تخيّط بيه جرحك

وسُكّر يمحي مرارة صبرك

عِدّ الجروح يا زمان

بطلنا دا إنسان

شُجاع صبور وكريم

من فيض حنانه يهدي

لطايف وقلبه رحيم

ياخد حُزن ويدّي

فرح وسرور

صاحبنا دا منصور

بإذن ربّ غفور

وإن كترت عليه لاحزان

توكّل على الرحمٰن

صبح الكسر جبر

والعجز بقى قدرة

دايمًا بياخد فكرة

من يومه لبكره

إنسان شهم ووقور

صاحبنا دا شّطور

بعيد عن الغرور

بيسعى ويعافر

وبخياله يسافر

لأبعد مكان

بطلنا دا إنسان

مٰفيش زيّه تمام

طموح وهمّام

وإن كترت عليه الهموم

تضرع للحيّ القيّوم

صبح فرحان ومش مهموم.